Nigeriyada silahlı şəxslər 100-dən çox qadını qaçırıblar
Bakı, 6 mart, AZƏRTAC
Nigeriyanın şimal-şərqində “Boko Haram” silahlıları tərəfindən 100-dən çox qadın qaçırılıb.
AZƏRTAC xəbər verir ki, bu barədə BBC yerli sakin Qambora Nqalaya istinadla məlumat yayıb.
Məlumata görə, terrorçular 117 qadını əsir götürüblər.
Bir gün əvvəl “France-Presse” agentliyi 47 qadının oğurlandığını bildirmişdi.
Qeyd edilib ki, köçkün düşərgəsindən olan bir qrup qadın Kamerun sərhədi yaxınlığında odun yığarkən silahlı şəxslərin hücumuna məruz qalıb. Bəziləri qaça bilsə də, digərləri silahlılar tərəfindən əsir götürülərək naməlum istiqamətə aparılıb.
Hazırda oğurlanmış şəxslərin axtarışı davam etdirilir.
Xatırladaq ki, Nigeriyada ən böyük adam oğurluğu 2014-cü ildə baş verib. Həmin il silahlılar Çibok şəhərindəki yataqxanada yaşayan 270-dən çox məktəbli qızı oğurlayıblar.
Bölmənin digər xəbərləri
