Niyazinin ev-muzeyində Klassik Musiqisevərlər Klubunun 3 illiyi qeyd edilmişdir
AZƏRTAC xəbər verir ki, tədbirdə Klassik Musiqisevənlər Klubunun üzvləri, tanınmış musiqiçilər, muzeyin əməkdaşları, KİV nümayəndəkləri iştirak etmişlər.
AMMDM-in direktoru, sənətşünaslıq namizədi, Əməkdar Mədəniyyət İşçisi Alla Bayramova klubun yaranmasından söz açmış, fəaliyyəti və uğurları barədə məlumat vermişdir. Xatırlatmışdır ki, Niyazinin ev-muzeyinin açılışında bir neçə gündən sonra anadan olmasının 88-ci ildönümünü qeyd edəcəyimiz ümummilli lider Heydər Əliyev iştirak etmişdir.
Tamaşaçılar klubun 3 illik fəaliyyətini əks etdirən slayd-şou və fotosərgiyə maraqla baxmışlar.
Qeyd edək ki, tədbir görkəmli rus bəstəkarı P.İ.Çaykovskinin anadan olduğu günə təsadüf etdiyindən bəstəkarın yaradıcılığına həsr olunmuş geniş konsert proqramı da təqdim olunmuşdur. Konsertdə Bakı Musiqi Akademiyası tələbələrinin, Azərbaycan Dövlət Musiqili Komediya Teatrının solisti Nərgiz Kərimovanın, Bülbül adına orta ixtisas, şəhər 21 və 15 nömrəli musiqi məktəblərinin şagirdlərinin ifaları dinlənilmişdir.
Bölmənin digər xəbərləri
