NÖVBƏTİ EŞELON YOLA SALINMIŞDIR
AZƏRTAC-ın xüsusi müxbiri xəbər verir ki, avqustun 29-da Gürcüstanın Kvemo Kartlo-Borçalı bölgəsinin Zalqa rayon mərkəzindən Rusiyanın Axalkalakidəki hərbi bazasından hərbi texnika və döyüş sursatı yüklənmiş növbəti, 11-ci eşelon yola salınmışdır. 13 vaqondan ibarət qatara Axalkalaki bazasının 14 vahid silah və texnikası, habelə 163 ton döyüş sursatı və əmlakı yüklənmişdir.
Eşelon Azərbaycan ərazisindən keçərək Rusiyaya gedəcəkdir.
Cari ildə Rusiyaya Axalkalaki bazasının əmlakı yüklənmiş daha üç eşelon yola salınacaqdır.
Rusiyanın Cənubi Qafqazdakı qoşunlar qrupundan bildirilmişdir ki, texnika və silahın Gürcüstandan çıxarılması plan üzrə gedir və bu proses 2006-cı ildə başa çatdırılacaq, baza isə 2007-ci ildə bağlanacaqdır.
Bölmənin digər xəbərləri
