Noyabrda Azərbaycanın ən böyük developer tədbiri – “DevFest 2023 Baku” keçiriləcək
Bakı, 14 oktyabr, AZƏRTAC
Noyabrın 4-də İnnovasiya və Rəqəmsal İnkişaf Agentliyinin dəstəyi ilə ADA Universitetində “GDG Baku”nun təşkilatçılığı ilə texnologiya həvəskarlarını, proqramçıları və sənaye mütəxəssislərini bir araya gətirən “DevFest 2023” keçiriləcək.
AZƏRTAC xəbər verir ki, 300-dən çox iştirakçını birləşdirən, 16 müxtəlif spikerin iştirakı ilə 4 paralel sessiyada keçirilən “DevFest 2023 Baku” Azərbaycanın ən böyük developer tədbiridir. Tədbirdə veb və mobil inkişafda ən son tendensiyaları nəzərdən keçirmək, süni intellekt və maşın öyrənmə sahəsində yeni trendlər, backend və frontend proqramlaşdırmanın işlənib hazırlanması incəlikləri barədə məlumat veriləcək. Təlim sessiyalarına Maşın öyrənmə (ML) və Süni İntellekt (Aİ), Veb və Mobil Development, Backend və Frontend Development, Canlı kodlaşdırma ilə interaktiv seminarlar (Vorkşop) daxildir.
Qeyd edək ki, tədbir Bakıda artıq ikinci dəfədir keçirilir.
Bölmənin digər xəbərləri
