NYP: Tramp atəşkəs şərti ilə İranla danışıqlara hazırdır
Bakı, 31 iyul, AZƏRTAC
ABŞ Prezidenti Donald Tramp İranın atəşkəsə razılaşacağı təqdirdə, Tehranla sülh danışıqlarına şans verməyə hazır olduğunu bildirib.
AZƏRTAC xəbər verir ki, bu barədə “New York Post” (NYP) nəşri ABŞ rəsmisinə istinadla məlumat yayıb.
Mənbənin sözlərinə görə, Vaşinqton hesab edir ki, istənilən danışıqlar atəşkəslə başlamalıdır və bu istiqamətdə ilk addımı İran atmalıdır. Bildirilib ki, ABŞ administrasiyası mümkün qədər tez razılıq əldə edilməsində maraqlıdır, lakin İranın gəmilərə, ABŞ hərbi bazalarına və Vaşinqtonun Körfəzdəki müttəfiqlərinə hücumları davam etdirəcəyi təqdirdə, bunun nəticələri olacaq.
Məlumata görə, tərəflər texniki məsləhətləşmələri davam etdirir və vasitəçilər vasitəsilə təmaslarını saxlayırlar.
Xatırladaq ki, Pakistan Xarici İşlər Nazirliyi iyulun 30-da ABŞ ilə İran arasında münaqişənin həlli istiqamətində danışıqların davam etdiyini açıqlamışdı.
Bölmənin digər xəbərləri
