Nyu-York metrosunda atışma nəticəsində bir nəfər ölüb
Bakı, 13 fevral, AZƏRTAC
Nyu-York şəhərinin metro stansiyasında silahlı insident nəticəsində bir nəfər ölüb, beş nəfər isə yaralanıb. Yaralılar yaxınlıqdakı xəstəxanaya çatdırılıb.
AZƏRTAC xəbər verir ki, hadisə dünən yerli vaxtla saat 16:30-da Manhattan rayonunun “Times square” meydanından 14 kilometr məsafədə yerləşən yerüstü “Mount Eden Avenue” stansiyasında qeydə alınıb.
Məlumata görə, metro stansiyasında iki qrup gənc arasında mübahisə baş verib. Nəticədə platformada dayanan sərnişinlər atəş altında qalıb.
Bölmənin digər xəbərləri
