ODLAR YURDU UNİVERSİTETİNDƏ YÜKSƏK TEXNOLOGİYA GÜNLƏRİ KEÇİRİLMİŞDİR

21.12.2005 [12:49]
Çap et
A⁺ A^-

AZƏRTAC xəbər verir ki, Odlar Yurdu Universitetində (OYU) Azərbaycan hökumətinin dəstəyi ilə İNTEL korporasiyasının Yüksək Texnologiya günləri keçirilmişdir.

İNTEL korporasiyası (ABŞ) və ULTRA şirkətinin birgə təşkilatçılığı ilə keçirilən tədbirdə ən yeni texnologiyalar əsasında istehsal olunmuş NEXUS kompüterləri və Centrino əsaslı noutbuklar nümayiş etdirilmişdir.

Burada ən yeni İntel SONOMA texnologiyası əsasında istehsal olunan NEXUS S300 noutbuku da istifadəyə verilmişdir.

Eyni zamanda, ən yeni Simsiz WiFi və WiMAX texnologiyalarına dair mühazirələr oxunmuş, informasiya texnologiyalarının təhsildə düzgün tətbiqi yolları barədə məlumat verilmiş, tələbələri maraqlandıran suallar cavablandırılmışdır.

Sonda universitet rəhbərliyinə Simsiz texnologiya dəsti, təhsildə fərqlənən tələbələrə NEXUS noutbuku hədiyyə olunmuşdur.