OĞURLANMIŞ AVSTRİYALI QIZI SƏKKİZ İL QARAJDA SAXLAMIŞLAR
Polis bildirmişdir ki, qohumları onu tanımışlar. Bu, 1998-ci ildə məktəbə gedərkən itkin düşən Nataşa Kampuşdur. O vaxt qızın 10 yaşı vardı.
Federal Cinayət Polisinin rəisi Gerviq Haydinger bildirmişdir ki, qızın şəxsiyyətini təsdiqləməkdən ötrü ondan DNT üçün nümunələr götürülmüşdür. Lakin bu analiz olmadan da, əslində, hamı əmindir ki, cinayətkardan qaçıb canını qurtaran qız Kampuşun özüdür. Qızın dediyinə görə, cinayətkar onu hərdən Vyana yaxınlığındakı kəndlərə özü ilə gəzintiyə aparırdı. Bundan başqa, o, radionu dinləyir, televizora baxır, qəzet və kitab oxuyurdu.
Bəs o, gəzintilərdən birində niyə qaçmamışdır? Jurnalistlərin bu sualına polis psixoloqu belə cavab vermişdir ki, onda “Stokholm sindromu” inkişaf etmişdir. Bu, elə bir psixoloji vəziyyətdir ki, uzun müddət əsirlikdə olan adamlar özlərini öz dustaqxana gözətçiləri ilə eyniləşdirməyə başlayırlar.
Bölmənin digər xəbərləri
