“Oğuz” komandası “Nə? Harada? Nə zaman?” intellektual oyunu üzrə yubiley Kubokunu qazanmışdır
Bakı, 7 may (AZƏRTAC). Mayın 7-də Bakı Biznes Mərkəzində “Xəzər İntellektual Gənclər Klubu” İctimai Birliyinin yaranmasının 10 illiyi münasibətilə “Nə? Harada? Nə zaman?” intellektual oyunu üzrə yubiley Kuboku yarışları keçirilmişdir.
AZƏRTAC xəbər verir ki, yarışda Bakı və Sumqayıtın müxtəlif ali təhsil ocağı və intellektual klublarını təmsil edən 33 komanda iştirak etmişdir.
İqtisadi İnkişaf Nazirliyinin dəstəyi ilə keçirilən yarışda “Oğuz” komandası birinci yeri tutmuş və Kuboku qazanmışdır. “Mafiya” ikinci, Faiq Hüseynovun komandası isə üçüncü pillədə qərarlaşmışlar.
Yarışda ilk üç pilləni tutmuş komandaların üzvlərinə medallar, diplom və xatirə hədiyyələri təqdim olunmuşdur.
Bölmənin digər xəbərləri
