Oğuz rayonunda Bucaq-Muxas-Baş Daşağıl avtomobil yolu yenidən qurulur
Bakı, 27 yanvar, AZƏRTAC
Oğuz rayonunda Bucaq-Muxas-Baş Daşağıl avtomobil yolu Azərbaycan Avtomobil Yolları Dövlət Agentliyi tərəfindən yenidən qurulur.
Bu barədə AZƏRTAC-a agentliyin mətbuat xidmətindən bildirilib.
Məlumata əsasən, 17,5 kilometr uzunluğunda olan yol 4-cü texniki dərəcəyə uyğun bərpa edilir.
Yolun eni 10 metr olacaq. Hazırda isə yeni yol yatağının inşası işləri aparılır, mövcud suötürücü borular təzələnir, zəruri yerlərdə isə yeniləri inşa olunur.
Layihəyə uyğun olaraq, yeni yol əsası inşa edildikdən sonra asfaltlanma işləri aparılacaq. Yerli əhəmiyyətli yol torpaq və çınqıl örtüklüdür. Tikinti işlərindən sonra məlumatverici nişanlar qoyulacaq və üfüqi xətlər çəkiləcək.
Yeni yol əhalinin Qaraməryəm-İsmayıllı-Şəki avtomobil yoluna çıxışını asanlaşdıracaq.
Bölmənin digər xəbərləri
