ÖLKƏLƏRARASI MÜNASİBƏTLƏR QARŞILIQLI FAYDAYA, MƏNAFEYƏ, HÖRMƏTƏ VƏ RAZILAŞMALARA RİAYƏT EDİLMƏSİNƏ ƏSASLANMALIDIR

28.07.2006 [11:26]
Çap et
A⁺ A^-

AZƏRTAC xəbər verir ki, bu fikri Azərbaycan Prezidenti İlham Əliyev Rusiyanın RTR televiziya kanalına müsahibəsində bildirmiş və demişdir ki, bu, etimadı möhkəmlətməyin, uzunmüddətli əməkdaşlığın mühüm elementlərindən biridir. Əgər müqavilə, razılaşma varsa – hətta razılaşma tərəflərdən birini müəyyən vaxtda razı salmadıqda da – onu yerinə yetirmək lazımdır.

Münasibətlərin bazar prinsiplərinə əsaslanmasının tamamilə təbii və normal proses olduğunu diqqətə çatdıran Prezident demişdir: “Prinsipcə, tezliklə postsovet məkanında bazar qiyməti anlayışı yəqin daha olmayacaqdır. Biz artıq 15 ildir müstəqil dövlətik və qiymətqoymada da, digər bütün məsələlərdə də bazar prinsiplərinə tamamilə keçmək vaxtı çatmışdır. Bu, kifayət qədər ağrılı prosesdir, çünki, əslində, bütün əhaliyə aiddir, enerji daşıyıcılarının qiymətlərinin bahalaşması digər məhsulun avtomatik surətdə bahalaşmasına səbəb olur. Lakin bu, qaçılmaz haldır. Gec-tez hamı buna gəlib çıxacaqdır”.

ÖLKƏLƏRARASI MÜNASİBƏTLƏR QARŞILIQLI FAYDAYA, MƏNAFEYƏ, HÖRMƏTƏ VƏ RAZILAŞMALARA RİAYƏT EDİLMƏSİNƏ ƏSASLANMALIDIR

MÜƏLLİFLƏ ƏLAQƏ

Bölmənin digər xəbərləri