ÖLKƏNİN ƏN YAXŞI AKROBATLARI MƏLUMDUR
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, idman ustalarından ibarət qadın cütlükləri arasında gimnastika məktəbinin nümayəndələri Ayla Əhmədova və Dinara Abbasova fərqlənmişlər. Qarışıq cütlüklərdən Arif Cəfərov və Çinarə Hümbətova (gimnastika məktəbi), kişi cütlüklərindən isə Rüstəm Nəcəfquliyev, Vüqar Əhmədov, İlham Abbasov və Fərid Məmmədov, - hamısı gimnastika məktəbinin təmsilçiləridir,- birinci olmuşlar. Ustalığa namizədlərdən ibarət kişi cütlüklər arasında birinci yeri gimnastika məktəbinin yetirmələri Fərhad Cəfərov və Elçin Məmmədov tutmuşlar. Qadın üçlükləri arasında Nizami rayonu idman məktəbini təmsil edən İnarə Həşimi, Könül Fərəcova və Dilarə Sultanova lider olmuşlar. Qarışıq cütlüklər arasında qızıl medallara Nizami rayonunun idmançıları Rasim Mirzəyev və Sevinc Əliyeva, qadın cütlükləri arasında isə “Neftçi” idman-sağlamlıq mərkəzinin təmsilçiləri Səminə və Evelina İbrahimovalar layiq görülmüşlər. Qadın üçlükləri arasında birinci dərəcəli idmançılar Mehri Bayramova, Turan Əsgərova və Aleksandra Melikova, kişi cütlükləri arasında isə Tural Eyvazov və Adil Feyzullayev (Nizami rayonu) birinci olmuşlar.
Birinciliyin nəticələrinə görə, 2004-cü ilin mayında Fransada keçiriləcək dünya çempionatına gedəcək ölkə yığma komandasının tərkibi müəyyən ediləcəkdir.
Bölmənin digər xəbərləri
