Ömər Faiq Nemanzadəyə həsr olunmuş virtual sərgi hazırlanıb
Bakı, 23 dekabr, AZƏRTAC
Bu ilin dekabrında Azərbaycan milli mətbuatının böyük nümayəndəsi, görkəmli publisist, tanınmış maarifçi və ictimai xadim Ömər Faiq Nemanzadənin anadan olmasının 150 ili tamam olur. Bu münasibətlə AMEA-nın Mərkəzi Elmi Kitabxanasında (MEK) Ömər Faiq Nemanzadənin milli ideyalarla zəngin və dərin siyasi-ictimai məzmuna malik publisistik irsini özündə əks etdirən sərgi hazırlanıb.
MEK-dən AZƏRTAC-a bildirilib ki, sərgidə kitablarla yanaşı, Qafqazın ən parlaq tarixi şəxsiyyətlərindən olan Ömər Faiq Nemanzadənin həyatının səhifələri və fəaliyyəti haqqında informasiyalar da yer alıb. Burada onun müəllimlik fəaliyyətindən, “Molla Nəsrəddin” jurnalının təsis edilməsində və nəşrində Cəlil Məmmədquluzadə və Ömər Faiqin müstəsna rolundan, 1917-1920-ci illərdə Ahıska (Axalsix) bölgəsindəki fəaliyyətindən, ömrünün son günlərindən məlumatlar var.
Bölmənin digər xəbərləri
