Oskar Piastri: İnkişafımda böyük rol oynadığına görə komandama təşəkkür edirəm
Bakı, 15 sentyabr, AZƏRTAC
"Bolidləri təkmilləşdirdiyinə, eyni zamanda, inkişaf etməyimdə böyük rol oynadığına görə komandama təşəkkür edirəm".
AZƏRTAC xəbər verir ki, bu sözləri Bakıda keçirilən Formula 1 Azərbaycan Qran-Prisinin əsas yarışının qalibi olan “McLaren"in avstraliyalı pilotu Oskar Piastri deyib.
Avstraliyalı sürücü komandasının "Red Bull"u qabaqlayaraq konstruktorların çempionat cədvəlində zirvəyə qalxmasına münasibət bildirib: "Ötən il mən komandaya yeni qoşulanda sonuncu pillədə idik. O gündən indiyə kimi bir çox şeylərin dəyişdiyini görmək olur. İndi isə çempionata başçılıq edirik. Bu, doğrudan da əla nəticədir. Bu uğurda komandadakı hər kəsin əməyi var. Buna görə onlara minnətdaram".
Bölmənin digər xəbərləri
