Ötən ay qlobal neft tədarükü sutkada 92,7 milyon barrelə çatıb
Bakı, 15 dekabr, AZƏRTAC
Noyabrda qlobal neft təklifi oktyabr ayı ilə müqayisədə orta hesabla 1 milyon 500 min barrel artaraq gündəlik 92 milyon 700 min barrel təşkil edib.
AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.
Hesabata görə, dekabr ayında yüksək səviyyədə qalması gözlənilən qlobal neft tədarükü hələ də keçənilki istehsal səviyyəsindən sutkalıq 9 milyon 200 min barrel azdır.
Keçən ay Neft İxrac Edən Ölkələr Təşkilatına (OPEC) üzv olmayan ölkələrin neft tədarükü isə 200 min barrel çoxalaraq sutkada 62 milyon 490 min barrelə yüksəlib.
Bölmənin digər xəbərləri
