ÖZBƏKİSTANDA XOCALI FACİƏSİ İLƏ BAĞLI MÜXTƏLİF TƏDBİRLƏR KEÇİRİLƏCƏKDİR
Daşkənd, 18 fevral (AZƏRTAC). Daşkənddəki Azərbaycan Mədəniyyət Mərkəzləri Assosiasiyası və Özbəkistanın vilayətlərindəki Azərbaycan Mədəniyyət mərkəzləri Xocalı faciəsi ilə bağlı müxtəlif tədbirlər keçirəcəklər.
Assosiasiyanın icraçı direktoru Yasin Əhmədov bildirmişdir ki, faciənin ildönümü ilə əlaqədar Daşkənddəki Beynəlmiləl Mədəniyyət Mərkəzində anma mərasimi keçirilməsi nəzərdə tutulur. Bu tədbirə diasporumuzun üzvləri, digər xalqların mədəniyyət mərkəzlərinin rəhbərləri, qardaş özbək xalqının nümayəndələri, jurnalistlər dəvət ediləcəklər. Xocalı faciəsi haqqında iştirakçılara ətraflı məlumat veriləcək, onlara faciə haqqında məlumatlar toplusu təqdim olunacaq, video və fotomateriallar nümayiş etdiriləcəkdir.
Səmərqənd, Buxara, Nəvai, Fərqanə, Sır-Dərya və Daşkənd vilayətlərində də anma mərasimləri keçiriləcəkdir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
