PAKİSTANDA “KOSMİK TEXNOLOGİYALAR VƏ ONLARIN TƏTBİQİ” MÖVZUSUNDA SEMİNAR KEÇİRİLMİŞDİR
Seminarda kosmik elm və texnologiyaların köməyi ilə təbii fəlakətlərə nəzarət, ekoloji problemlərin həmin texnologiyaların tətbiqi vasitəsilə həlli, təbii sərvətlərin öyrənilməsi və digər məsələlər müzakirə edilmişdir.
Təqribən 20 ölkənin, o cümlədən Azərbaycan mütəxəssislərinin və müstəqil ekspertlərinin iştirak etdiyi tədbirdə həmin məsələlərə dair 40-dək təqdimat olmuşdur.
Seminarda enerji daşıyıcıları infrastrukturunun təhlükəsizliyinin kosmik texnologiyaların köməyi ilə monitorinqi, neft və qaz kəmərlərinin təhlükəsizliyinin elmi yollarla təmin edilməsi barədə də danışılmış, kosmik elm və texnologiyalar sahəsində İslam ölkələrinin əməkdaşlığının genişləndirilməsinin vacibliyi vurğulanmışdır.
Bölmənin digər xəbərləri
