Pakıstanda təhlükəsizlik qüvvələrinə hücum: ölən və yaralananlar var
Bakı, 1 dekabr, AZƏRTAC
Pakistanın şimal-qərbində Hayber-Paxtunxvanın Lakki Marvat rayonunda kamikadzenin təhlükəsizlik qüvvələrinə hücumu nəticəsində bir polis əməkdaşı ölüb, altı nəfər isə yaralanıb.
AZƏRTAC xəbər verir ki, Lakki Marvat polisi hadisə ilə bağlı açıqlama verib. Bildirilib ki, şübhəli kamikadze özünü təhlükəsizlik maşınının yaxınlığında partladıb, digəri isə qaça bilib.
Pakistanın Analitik mərkəzi hesabatında bildirib ki, noyabr ayı ərzində ölkə daxilində dövlət əleyhinə zorakılıq və təhlükəsizlik qüvvələrinin əks tədbirləri nəticəsində 292 nəfər həlak olub, 164 nəfər yaralanıb.
Bölmənin digər xəbərləri
