Pedaqoji Universitet “THE Impact Rankings 2026”da dünya üzrə 1001-1500 aralığındadır
Bakı, 24 iyun, AZƏRTAC
BMT-nin Davamlı İnkişaf Məqsədləri (SDGs) əsasında qiymətləndirilən və dünyanın ən nüfuzlu beynəlxalq reytinqlərindən biri hesab olunan “Times Higher Education” nəticələrinə əsasən Azərbaycan Dövlət Pedaqoji Universiteti (ADPU) qlobal miqyasda 1001-1500-cü sırada yer tutub.
Bu barədə AZƏRTAC-a ADPU-dan məlumat verilib.
Pedaqoji Universitet SDG 4 – keyfiyyətli təhsil istiqaməti üzrə 601–800-cü sıralarında yer alıb. Bu nəticə universitetin təhsil və elmi-tədqiqat sahələrindəki fəaliyyətinin beynəlxalq səviyyədə qiymətləndirildiyini göstərir.
ADPU SDG 8 – layiqli əmək və iqtisadi artım istiqaməti üzrə 801–1000-ci sıralarda yer alıb. Bu göstərici universitetin əmək bazarının tələblərinə uyğun kadr hazırlığı, məzunların məşğulluğunun dəstəklənməsi və davamlı inkişaf istiqamətində fəaliyyətlərinin beynəlxalq səviyyədə qiymətləndirildiyini göstərir.
Universitet SDG 16 – sülh, ədalət və güclü institutlar istiqaməti üzrə 801+ sıralarında yer alıb. Bu nəticə universitetdə şəffaf idarəetmə, akademik dürüstlük, inklüzivlik və sosial məsuliyyət prinsiplərinin beynəlxalq səviyyədə qiymətləndirildiyini əks etdirir.
Pedaqoji Universiteti SDG 17 – məqsədlər naminə tərəfdaşlıqlar istiqaməti üzrə 1001–1500-cü sıralarda yer alıb. Bu nəticə universitetin yerli və beynəlxalq əməkdaşlıq əlaqələrinin, birgə layihələrinin və davamlı inkişaf məqsədlərinə töhfə verən təşəbbüslərinin beynəlxalq səviyyədə qiymətləndirildiyini göstərir.
“THE Impact Rankings” universitetlərin yalnız akademik göstəricilərini deyil, eyni zamanda, cəmiyyətə, ətraf mühitə və davamlı inkişafa verdiyi töhfələri də qiymətləndirir.
Bu nəticələr ADPU-nun davamlı inkişaf məqsədlərinə sadiqliyinin və beynəlxalq görünürlüğünün artırılması istiqamətində həyata keçirdiyi fəaliyyətlərin növbəti göstəricisidir.
Bölmənin digər xəbərləri
