PEKİNDƏ OLİMPİADANIN QONAQLARINI ROBOT-BƏLƏDÇİ QARŞILAYACAQ
AZƏRTAC xarici KİV-lərə istinadla xəbər verir ki, çinli alimlər Pekində 2008-ci il yay Olimpiadasının qonaqlarına qulluq edəcək robot-bələdçi hazırlayacaqlar. Robot ortaboylu insan hündürlüyündə olacaqdır. O, səsləri tanıya, başını və əllərini tərpədə biləcək, habelə ən sadə mimikaya malik olacaqdır. İçərisində quraşdırılmış fotokamera ona idmançılarla və Olimpiadanın qonaqları ilə yadigar fotoşəkillər çəkməyə imkan verəcəkdir.
Bundan əlavə, robot oyunların qonaqlarına Olimpiadada hər gün yarışların keçirildiyi obyektlər, Pekinin və müasir Çinin görməli yerləri haqqında danışa biləcəkdir.
Bölmənin digər xəbərləri
