PETERBURQDA ÖZBƏKLƏRİ VƏ TACİKLƏRİ QARƏT ETMİŞLƏR
Sankt-Peterburq və Leninqrad vilayəti Baş Daxili İşlər İdarəsnin (BDİİ) məlumatına görə, kürəyinə “OMON” yazılmış maskalı və kamuflyaj geyimli 10 naməlum şəxs avqustun 21-də gecə yataqxanaya soxularaq, orada yaşayan 100 Tacikistan və Özbəkistan vətəndaşını avtomat silahla hədələmiş və onların şəxsi sənədlərini, cib telefonlarını, pullarını əllərindən alıb aradan çıxmışdır.
BDİİ-nin mətbuat xidməti bildirmişdir ki, gəlmə fəhlələrə basqın edənlər xüsusi təyinatlı milis dəstəsinin əməkdaşları deyildir. Belə ki, XTMD-nin kürəyində “OMON” yazılı kamuflyaj forması artıq üç ildir yoxdur.
Xatırladaq ki, oxşar hadisə iyunda Moskvada da baş vermişdi. O vaxt Dövlət İdarəçilik Universitetinin yataqxanasında tacik tələbələr döyülmüşdülər. Bu vəhşilikdə azı beş milis nəfəri iştirak etmişdi. Onlar tələbələrin pullarını və cib telefonlarını əllərindən almışdılar. Prokurorluq müstəntiqlərinin istintaq tədbirləri nəticəsində cinayətkarlardan biri yaxalanmışdır.
Bölmənin digər xəbərləri
