Polşa ordusunun sayı bu il 220 min nəfərə çata bilər
Bakı, 13 fevral, AZƏRTAC
Polşa Silahlı Qüvvələri 2024-cü ilin sonunadək təxminən 220 min əsgər və zabitdən ibarət olacaq və onların sayı hər il artırılacaq.
AZƏRTAC xəbər verir ki, Polşanın müdafiə naziri Vladislav Marcin Kosiniak-Kamış bunu Polsat telekanalının efirində deyib. Onun sözlərində görə, ölkədə ordunun sayını aktiv ehtiyat şəklində artırmaq üçün geniş imkanlar var.
2023-cü ilin oktyabrında Polşa Silahlı Qüvvələrində təxminən 187 min əsgər və zabitin xidmət etdiyi barədə məlumat yayılmışdı. Müdafiə Nazırliyinin sabiq rəhbəri Mariuş Blaşak isə hesab edir ki, orduda şəxsi heyətin sayının 300 min nəfərə çatdırılması vacibdir.
Bölmənin digər xəbərləri
