Portuqaliya portalı Formula-1 Azərbaycan Qran-Prisindən yazır
Lissabon, 30 iyun, AZƏRTAC
Portuqaliya portalında Formula-1 Azərbaycan Qran-Prisi son dövrlərin ən gərgin yarışı kimi təqdim edilib. Bu ölkənin avtomobil idmanı sahəsində ixtisaslaşmış “autoportal.iol.pt” portalında “Azərbaycan Qran-Prisində 137 ötmə baş verib” sərlövhəli məqalə yerləşdirilib. Yazıda deyilir ki, Azərbaycan Qran-Prisi son dövrlərin ən baxımlı və gərgin yarışı olub.
Məqalədə “Mercedes” komandasının Bakıdakı yarışa dair açıqladığı strateji statistik təhlilə istinad olunub. Azərbaycan Qran-Prisinin ən maraqlı məqamlarından ibarət video da yazıya əlavə olunub. Məqalənin tam mətnini aşağıdakı linkdən oxumaq olar: http://www.autoportal.iol.pt/desporto/formula-1/gp-do-azerbaijao-teve-137-ultrapassagens/
Aygün Əliyeva
AZƏRTAC-ın xüsusi müxbiri
Lissabon
Bölmənin digər xəbərləri
