Portuqaliyada 14 yaşlı yeniyetmə meşə yanğınları törətdiyini etiraf edib
Bakı, 29 avqust, AZƏRTAC
Fafe bələdiyyəsinə aid Seydoynş şəhərindən olan yeniyetmə bu yay Portuqaliyanın şimalında baş verən yanğınların baş verməsində əli olduğunu etiraf edib.
AZƏRTAC “Euronews”a istinadla xəbər verir ki, o, tez-tez skuter ilə meşəlik ərazilərə gedib, kibritlə od qaladıqdan sonra evinə qayıdıb.
Bu barədə Portuqaliyanın məhkəmə polisi məlumat yayıb.
“Mümkündür ki, yeniyetmə məktəbdəki zəif göstəriciləri və sosial əlaqələrinin açıq-aşkar qeyri-sabit olması fonunda qəzəb və məyusluq hissləri ilə hərəkət edib”, – deyə məhkəmə polisinin açıqlamasında bildirilib.
Məhz həmin ərazidə təkrarlanan yanğınlar araşdırmanın başlanmasına səbəb olub.
Qeyd edək ki, Portuqaliya məhkəmə polisi avqustun 20-dək qəsdən yanğın törətməkdə şübhəli bilinən 52 nəfəri artıq həbs edib.
Bölmənin digər xəbərləri
