Premyer Liqa klubu növbəti transferini reallaşdırıb
Bakı, 21 iyul, AZƏRTAC
“Şəfa” klubu daha bir transferini reallaşdırıb.
Premyer Liqanın yeni təmsilçisinin mətbuat xidmətindən AZƏRTAC-a verilən məlumata görə, qvineyalı vinger Bafode Dansoko ilə 1 illik müqavilə imzalanıb.
30 yaşlı futbolçu son olaraq İsveçrə təmsilçisi “Vintertur”da çıxış edib.
Qeyd edək ki, Bafode Dansoko karyerası ərzində Belçikanın “Patro Eysden”, “KMSK Deynze”, “La Luvyer”, Fransanın “Vol-an-Velen” və “Vaskal” klublarının da formasını geyinib.
Bölmənin digər xəbərləri
