Bakı, 6 mart, AZƏRTAC

Martın 6-da Türkiyə Prezidenti Rəcəb Tayyib Ərdoğan zəlzələ nəticəsində həlak olanların sayının 46 min 104 nəfər olduğunu açıqlayıb.

AZƏRTAC Anadolu Agentliyinə istinadla xəbər verir ki, Prezident Ərdoğan bu barədə hökumətin iclasından sonra mətbuata açıqlamasında bildirib.

Prezident Ərdoğan bildirib ki, qısa müddətdə zəlzələ bölgəsinə 35 min xilasedici cəlb olunub. Dövlət qurumlarının təmsilçiləri və könüllülər olmaqla ümumilikdə 271 min nəfər zəlzələ bölgəsində fəaliyyət göstərib.