PREZİDENT İLHAM ƏLİYEVİN “100 GÜNÜ” ÜMİDLƏR VERİR
RESPONDENTLƏR PREZİDENTİ DƏSTƏKLƏYİRLƏR
1. Prezidentin 100 gün ərzində yeritdiyi xarici siyasət xətti sizi qane edirmi?
a) Bəli-86 faiz
b) Xeyr-10 faiz
v) Cavab verməkdə çətinlik çəkirəm-4 faiz
Qeyd: Rəyi soruşulanlar Prezident İ. Əliyevin Fransaya səfərini düzgün addım sayırlar. Onlar bu səfərdə Dağlıq Qarabağ münaqişəsi ilə bağlı mühüm danışıqların aparıldığına inanırlar. Sorğu iştirakçıları səfərin ölkəmizin Qərbə inteqrasiyası siyasətinə uyğun gəldiyi qənaətindədirlər. Görünür, respondentlər Prezident İ. Əliyevin ABŞ, Türkiyə, Rusiya, Pakistan, Gürcüstan və Ukrayna rəsmiləri ilə fəal təmasda olmasına önəm veriblər.
II.Sizcə, 100 günlük fəaliyyət seçki kampaniyasında iqtisadi sahə üzrə verilən vədlərə uyğun gəlirmi?
a) Bəli-62 faiz
b) Xeyr-20 faiz
v) Bilmirəm-18 faiz
Qeyd: İctimaiyyət Prezident İlham Əliyevin seçki kampaniyasında iqtisadi sahə ilə bağlı verdiyi vədlərə əməl edəcəyinə əmindir. Prezidentin xarici sərmayədarları Azərbaycana daha çox cəlb etmək yönündə atdığı addımlar və bölgələrdə yeni istehsal obyektləri açmaq sahəsində konkret planları maraqla qarşılanıb. Bununla bağlı proqramların hazırlanmasına dəqiq vaxtın verilməsi ümid yaradıb. Görünür, respondentlər taxılın bahalaşmasına qarşı atılan addımları da müsbət dəyərləndiriblər.
III.100 günlük fəaliyyətdə sosial təminata yönələn diqqət sizi qane edirmi?
a) Bəli- 83 faiz
b) Xeyr-14 faiz
v) Cavab verməkdə çətinlik çəkirəm-3 faiz
Qeyd: Bu dəstək, yəqin ki, daha çox Heydər Əliyevin sosial təminat sahəsində apardığı siyasətin davam etdirilməsi ilə bağlıdır. Sosial təminat üzrə yeni proqramların hazırlanması, vergi tutulmalarında daha əlverişli yeni qaydaların tətbiqi, poliklinikaların pulsuz xidmətə keçməsi və təqaüdlərin verilməsində çox sərfəli kart sisteminin tətbiqi respondentlərin ürəyincədir. Prezident İ. Əliyevin 2003-cü ilin noyabrında sosial-iqtisadi inkişafla bağlı verdiyi fərman bu istiqamətdə təkan rolunu oynayıb. Rəyi soruşulanlar prezidentin sosial sahədə sistemli və ardıcıl dəyişikliklər edəcəyinə inanırlar.
IV. Prezident İlham Əliyevin ötən müddət ərzində milli-mənəvi dəyərlərin qorunması ilə bağlı atdığı addımlara münasibətiniz necədir?
a) Çox müsbət-61 faiz
b) Müsbət –25 faiz
v) Mənfi-7 faiz
q) Çox mənfi- 3 faiz
d) Cavab verməkdə çətinlik çəkirəm-4 faiz
Qeyd: Respondentlər Prezident İlham Əliyevin 100 gün ərzində həm şəxsi davranışında, həm də dövlət başçısı kimi gördüyü işlərdə milli-mənəvi dəyərlərin qorunmasına böyük önəm verdiyini vurğulayıblar. Onun Heydər Əliyevin dəfn mərasimini milli adət-ənənələrə tam uyğun şəkildə təşkil etməsi və islam qaydaları ilə yas saxlaması ictimai rəyə təsir edib. Şəhidlər xiyabanının ziyarəti zamanı ailəsinin sıravi vətəndaşlarla bir sırada durması Prezidentin “xalqın adamı” obrazını tamamlayıb. Azərbaycan ensiklopedyasının və görkəmli ziyalılarımızın əsərlərinin latın qrafikalı əlifba ilə yenidən nəşr edilməsi haqqındakı fərman isə milli-mənəvi dəyərlərin qorunmasına gözəl nümunədir.
V. Kadr dəyişikliyi ilə bağlı Prezidentin planlarını necə qəbul edirsiniz?
a) Tam dəstəkləyirəm-65 faiz
b) Müəyyən dərəcədə dəstəkləyirəm-30 faiz
v) Dəyişikliyə ehtiyac yoxdur-3 faiz
q) Cavab verməkdə çətinlik çəkirəm-2 faiz
Qeyd: Rəyi soruşulanlar Prezident İ. Əliyevin 100 gün müddətində kadr dəyişikliyi ilə bağlı söylədiklərinə böyük üstünlüklə dəstək veririlər (65 faiz+30 faiz=95 faiz). Onun işinin öhdəsindən gələ bilməyən məmurlarla vidalaşacağı barədə mövqeyi böyük ictimai dəstək qazanıb. Belə nəticə çıxarmaq olar ki, cəmiyyət bu məsələdə Prezidentə dayaq olacaq. Prezident İlham Əliyevin 100 gün müddətində bu dəyişikliklərə zəmin hazırladığı düşünülür.
Bölmənin digər xəbərləri
