PREZİDENTİN MƏTBUAT XİDMƏTİNİN MƏLUMATI
Ukrayna Prezidenti dövlətimizin başçısını doğum günü münasibətilə təbrik etmiş, ona Prezidentlik fəaliyyətində yeni-yeni uğurlar, möhkəm cansağlığı arzulamışdır.
Azərbaycan Prezidenti göstərilən diqqətə və təbrikə görə minnətdarlığını bildirmişdir.
Ukrayna Prezidenti təyyarə qəzası ilə əlaqədar Azərbaycan Prezidentinə, xalqına və həlak olanların yaxınlarına başsağlığı vermiş, məsələnin araşdırılması ilə bağlı Ukraynadan Bakıya nümayəndə heyətinin göndərilməsi ilə əlaqədar göstəriş verdiyini bildirmişdir.
Azərbaycan Prezidenti başsağlığına görə minnətdarlığını ifadə etmiş və qəzanın səbəblərinin araşdırılması ilə bağlı Dövlət Komissiyasının yaradıldığını bildirmişdir.
Dövlət başçıları ikitərəfli münasibətlərin inkişafı, GUAM təşkilatı çərçivəsində əməkdaşlıqla bağlı bir sıra məsələləri müzakirə etmişlər.
Bölmənin digər xəbərləri
