Professor Nigar Vəliyevanın “English through Functional Styles” kitabı çapdan çıxıb
Bakı, 17 aprel, AZƏRTAC
Azərbaycan Dillər Universitetinin professoru, filologiya elmləri doktoru Nigar Vəliyevanın magistr pilləsi üçün seçmə fənn kimi nəzərdə tutulan “English through Functional Styles” – “Funksional vasitələrlə ingilis dili” kursu adlı kitabı nəşr edilib.
AZƏRTAC xəbər verir ki, monoqrafiya qloballaşan dünyada mədəniyyətlərarası kommunikasiyanın intensiv inkişafını nəzərə alaraq keyfiyyətli təhsil dilinin təkmilləşməsinin spesifik xüsusiyyətlərinin öyrənilməsi, təsnifi, təhlili, tətbiqi üsullarının aşılanmasına və həmçinin qlobal ingilis dilinin səviyyəli və effektiv tədrisinin özəlliklərinin izahına həsr olunur.
Kitab ön söz, on beş fəsil, xülasə və biblioqrafiyanı ehtiva edir. Monoqrafiyada “Üslubiyyatın əsasları”, “Üslubun öyrənilməsində əsas istiqamətlər”, “Dilin və nitqin inkişafına təsir edən amillər”, “Üslubiyyatın və üslubun problemi”, “Üslub” anlayışının müxtəlif tərifləri”, “Ədəbi janr” anlayışı”, “İdiolekt” anlayışı”, “Şəxsiyyətin komponentləri”, “Fərdi üslub problemi və “fərdilik” komponentlərinə fərqli yanaşmalar”, “Funksional üslublar vasitəsilə ingilis dili” - fənlərarası fənn kimi”, “Dilçilikdə iki termin: “İfadə müstəvisi” və “Məzmun planı”, “Fikir və ifadə arasında uyğunluq problemi: məsələlər və formalar”, “Dildə norm problemi”, “Tanınmış və ya qəbul edilmiş standart”, “Üslubi normalar problemi”, “İnvariant və variantların xarakterik xüsusiyyətləri”, “Norm və ya sapma variantlar problemi” mövzuları yer alıb. Həmçinin “Ədəbi dilin norması problemi”, “Sosial tərəqqi və dilin inkişafı”, “İnsan dilinin mürəkkəb sintez sürəti”, “Sözün fonem-morfemi, məna növləri”, “Təfəkkür simvolik təsvirlərin manipulyasiyası kimi”, “Düşüncənin iki növü: şifahi, obrazlı və ya abstrakt”, “Transformasiya generativ qrammatika sintaksisi”, “Linqvistik səriştə”, “Danışıq təsiri”, “Kontekstdə və kontekstdən kənar dil”, “Verbal və qeyri-verbal ünsiyyət”, “Ünsiyyət prosesinin üç səviyyəsi”, “Kontekst və onun növləri: dar (mikrokontekst) və geniş (makrokontekst)”, “Dil və mədəniyyət arasında əlaqə”, “Kommunikasiya və ünsiyyət”, “Mədəniyyətlərarası ünsiyyət və onun spesifik xüsusiyyətləri”, “Kollektivist və fərdi mədəniyyət növləri”, “Tərcümədə qavrayış və anlama problemi”, “Səriştə” anlayışı” kimi mövzular yer alıb.
Professorlar Sərxan Abdullayev, Azad Məmmədov, Fikrət Cahangirov kitaba rəy yazıblar.
Monoqrafiya təhsil işçiləri, dil mütəxəssisləri, ali məktəb tələbələri, doktorant-dissertantlar, geniş oxucu auditoriyası üçün nəzərdə tutulub.
Bölmənin digər xəbərləri
