Bakı, 26 sentyabr, AZƏRTAC

Biz ailədə bir çox problemlərlə, anlaşılmazlıqlarla rastlaşırıq. Bunların əksəriyyəti həll olunsa da bəzilərinin həlli zamanı çətinliklərlə üzləşirik. Bunun əsas səbəbi ailədə dialoq mədəniyyətinin düzgün formalaşmamasından yaranır. Ailədə dialoq mədəniyyəti əsasdır.

AZƏRTAC xəbər verir ki, bu fikirləri sentyabrın 26-da Bakıda keçirilən "Ailə - dəyişməyən dəyərimiz" mövzusunda Gənc Ailə Forumunda psixoloq Rövşən Nəcəfov bildirib.

Problemin köklü həlli barədə danışan psixoloqun sözlərinə görə, dialoqun - anlama-dinləmənin düzgün qurulmaması tərəflərin şəxsi xüsusiyyətlərindən irəli gəlir ki, bu məsələ uşaqlıq və yeniyetməlik yaşlarından formalaşdırılmalıdır.