Qadın həndbolçuların Azərbaycan çempionatında “Qarabağ” komandası rəqibinə qalib gəlib
Bakı, 24 fevral, AZƏRTAC
Qadın həndbolçuların Azərbaycan çempionatında 13-cü turun oyunları keçirilib.
Azərbaycan Həndbol Federasiyasından AZƏRTAC-a bildirilib ki, günün ilk qarşılaşmasında çempionluğa əsas namizəd “Azəryol” komandası “İdman Akademiyası” üzərində qələbə qazanıb - 37:28.
Digər oyunda “Azərsu” “Gənclərbirliyi” üzərində 40:24 hesabı ilə qalib gəlib.
Turun son qarşılaşması daha maraqlı olub. Gərgin mübarizə şəraitində keçən “Qarabağ” - “Nur” görüşü 29-28 hesabı ilə “Qarabağ”ın üstünlüyü ilə başa çatıb.
Bölmənin digər xəbərləri
