“Qanlı tarix – Xocalı soyqırımı” xarici KİV-də
Bakı, 3 mart, AZƏRTAC
Bir sıra nüfuzlu xəbər portalları - Əlcəzairin “Dzayerinfo”, Çinin “Alharir”, Özbəkistanın “İnterpress”, “Azcultur.uz”, İspaniyanın “Turan.es”, Gürcüstanın “İverioni”, Türkiyənin “Alternatiftarih”, “Tded” saytları, İranın “Saib Təbriz” qəzeti Dövlət Tərcümə Mərkəzinin müxtəlif dillərdə hazırladığı “Qanlı tarix - Xocalı soyqırımı” yazısına öz səhifələrində yer ayırıb.
Tərcümə Mərkəzindən AZƏRTAC-a bildirilib ki, tarixi faktlara istinadən hazırlanmış yazı və videoçarx Azərbaycanın yaxın keçmişində baş vermiş faciəvi hadisədən - 1992-ci il fevralın 25-dən 26-na keçən gecə erməni silahlı birləşmələrinin 366-cı alayın hərbi texnikası ilə Azərbaycanın qədim şəhəri olan Xocalıda dinc əhaliyə qarşı törətdikləri soyqırımından, insanlığa sığmayan vəhşiliklərdən bəhs edir.
Bölmənin digər xəbərləri
