QANUNSUZ QUM DAŞIMALARINA QARŞI MÜBARİZƏ DAVAM EDİR
Fasiləsiz reydlər zamanı bu ərazidə qumun qanunsuz götürülməsi nəticəsində təbiətdən istifadə qaydalarını pozan 51 yük avtomaşını saxlanılmış və inzibati xəta törətdiklərinə görə sürücülərə aktlar tərtib edilərək, 2260 manat məbləğində maliyyə sanksiyası tətbiq olunmuş, vəsaitin ödənilməsi təmin edilmişdir.
Məsuliyyətdən yayınan 10 avtomaşın sürücüsü ilə bağlı 2006-cı il avqustun 17-də Bakı Şəhər Dövlət Yol Polis İdarəsinə məktub göndərilərək, onların tapılması məqsədilə müvafiq tədbirlərin görülməsi xahiş edilmişdir.
Bunlardan əlavə, Ləhiş bağ massivində özbaşına qum daşınmasının qarşısının alınması ilə əlaqədar gündəlik nəzarət şəbəkəsi yaradılmışdır. Hazırda bu ərazidə qanunsuz qum daşınması hallarının qarşısı alınmış və son günlər ümumiyyətlə qanun pozuntusu qeydə alınmamışdır.
Əzizbəyov rayonu ərazisində reydlər zamanı Qala-Zirə yolunun sağ tərəfində yerləşən Xaşa-Xuna bağ massivində qanunsuz qum yüklənmiş avtomaşınları saxlayaraq qumun götürülmüş sahələrə boşaldılması təşkil edilmiş və qanun pozuntuları protokollaşdırılmış, sürücülər cərimələnmiş və qanunvericiliklə müəyyən edilmiş vəsaitin xüsusi hesaba köçürülməsi təmin olunmuşdur. Xaşa-Xuna bağ massivi də tam nəzarətə götürülmüşdür.
Bölmənin digər xəbərləri
