Qazaxıstanda suitilərin tələf olmasının səbəbləri ilə bağlı tədqiqatın ilkin nəticələri açıqlanıb
Astana, 27 noyabr, AZƏRTAC
Oktyabrın 24-dən 28-dək Xəzər dənizi sahilində 1155 suiti cəmdəyi aşkar edilib.
AZƏRTAC Qazaxıstan mətbuatına istinadla xəbər verir ki, bu barədə Qazaxıstanın ekologiya və təbii sərvətlər naziri Erlan Nısanbayev bu dəniz heyvanlarının kütləvi ölümü ilə bağlı aparılan araşdırmaların ilkin nəticələrini təqdim edərkən bildirib.
Onun sözlərinə görə, cəmdəklərdən patoloji materiallar götürülüb. “Pasterellyoz, vəba, taun kimi xəstəliklər üzrə ilk nümunələr artıq tədqiq edilib. Nəticələr mənfidir. Yekun hesabatı gözləyəcəyik”, - deyə o bildirib.
Nazir suitilərin tələf olmasının bir çox mümkün səbəbləri ola biləcəyinə diqqət çəkib. O əlavə edib: “Biri deyir ki, sualtı zəlzələlər olub, təbii qaz buraxılıb. Digərləri bunun çirklənmənin nəticələri olduğunu iddia edirlər. Hər gün müşahidələr aparırıq, mütəxəssislər hər səhər mənə hesabat verirlər”.
Xəzər suitisi endemikdir və Xəzər dənizinin faunasında məməlilərin yeganə nümayəndəsidir. Onun əsas qidası balıqdır; əsasən siçovullar, cücələr, silversidlər, həmçinin molyusklar və krevetlərlə qidalanır. Bu heyvanların mövcudluğu mövsümi miqrasiya ilə xarakterizə olunur: qışda suitilər dənizin şimal hissəsində cəmlənir, istilərin başlaması ilə Orta və Cənubi Xəzər dənizinə köç edirlər.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
