QAZAXISTANDAKI ÇARDAR SU ANBARI DAĞILMAQ TƏHLÜKƏSİ QARŞISINDADIR

07.01.2004 [11:50]
Çap et
A⁺ A^-

AZƏRTAC-ın xüsusi müxbiri xəbər verir ki, Cənubi Qazaxıstan vilayətinin inzibati mərkəzi olan Çimkənd şəhərində Çardar su anbarındakı vəziyyətlə bağlı Qazaxıstan, Qırğızıstan və Özbəkistan nümayəndə heyətlərinin görüşü keçirilmişdir. Görüşdə qeyd olunmuşdur ki, Qırğızıstanın su elektrik stansiyalarının su anbarlarından Çardar anbarına böyük miqdarda su axıdılır və bunun da nəticəsində bənd dağılmaq təhlükəsi qarşısındadır. Belə ki, tutumu 5 milyard 200 milyon kubmetr olan su anbarında hazırda 4 milyard 376 milyon kubmetr su var. Anbara hər saniyədə 1550 kubmetr su daxil olur, axıdılan suyun həcmi isə 805 kubmetrdir.

Danışıqların sonunda imzalanan protokola görə, Qazaxıstan 2004-cü ilin yanvarında gələcəkdə alacağı elektrik enerjisinin hesabına Qırğızıstana 15 min ton mazut və 85 min ton kömür verəcəkdir. Qırğızıstan isə, öz növbəsində, Narın su elektrik stansiyasından Çardar su anbarına daxil olan suyun həcmini saniyədə 500 kubmetrə qədər azaldacaqdır. Özbəkistan isə suvarma məqsədi ilə Çardar su anbarından götürdüyü suyun həcmini saniyədə 650 kubmetrə qədər çoxaldacaqdır.

Vəziyyəti nəzarətdə saxlamaq üçün hökumətlərarası işçi qrupu yaradılması qərara alınmışdır.

QAZAXISTANDAKI ÇARDAR SU ANBARI DAĞILMAQ TƏHLÜKƏSİ QARŞISINDADIR

MÜƏLLİFLƏ ƏLAQƏ

Bölmənin digər xəbərləri