Qazaxıstanın Almatı vilayətində nəzarət-buraxılış məntəqəsi yaradılıb

13.04.2021 [00:50]
Çap et
A⁺ A^-

Nur-Sultan, 13 aprel, AZƏRTAC

Qazaxıstanın Almatı vilayətinin Koksu bölgəsində rayonlara giriş və çıxışda 9 nəzarət-buraxılış məntəqəsi yaradılıb.

AZƏRTAC “Inform.kz” saytına istinadən xəbər verir ki, bölgənin sanitariya və epidemioloji nəzarət şöbəsi bunun ərazidə koronavirus xəstələrinin sayının artması ilə əlaqəli olduğunu qeyd edib.

İdarələrarası komissiyanın regional qərargahının qərarı ilə səhər saat 8.00-dan axşam saat 20.00-dək əraziyə giriş-çıxış üçün icazə verilir. Nəzarət məntəqələrinin işində rayon polis şöbələrinin işçiləri və yerli icra orqanlarının mütəxəssisləri iştirak edirlər.

Qeyd edək ki, Qazaxıstan 12 gündür “qırmızı” zonadadır. Qazaxıstanın səkkiz bölgəsi koronavirus üçün “qırmızı” zonada qalmaqda davam edir.

İlahə Əhmədova

AZƏRTAC-ın xüsusi müxbiri

Nur-Sultan