Qazaxıstanın Kurık limanında yeni terminallar tikiləcək
Astana, 28 aprel, AZƏRTAC
Keçən il mütəxəssislər Kurık limanının sularında dibdərinləşdirmə işləri aparıb, nəticədə dərinlik 5,8 metrdən 7,5 metrə çatdırılıb.
AZƏRTAC Qazaxıstanın Nəqliyyat Nazirliyinə istinadla xəbər verir ki, bu barədə nazirliyin rəhbəri Marat Karabayev məlumat verib. O əlavə edib: “Bu ilin may ayında Aktau limanında analoji dibdərinləşdirmə işlərinə başlanılacaq: Kurık limanında iki quru yük və bir taxıl terminalı tikilib”.
Onun sözlərinə görə, bu il neft yüklənməsi, gələcəkdə isə “yaşıl hidrogen” istehsalı terminalının tikintisinə başlanılması planlaşdırılır.
Nəqliyyat Nazirliyinin rəhbəri bildirib: “Çin şirkəti ilə birlikdə Aktau limanında konteyner qovşağının tikintisi layihəsi həyata keçirilir. Bu, limanın ötürücülük qabiliyyətini 140 min TEU-dan 240 min-ə yüksəldəcək. Bundan əlavə, ticarət gəmilərinin sayı iki dəfə artacaq: əgər donanma hazırda 17 vahiddən ibarətdirsə, 2027-ci ilə qədər onların sayı 34-ə çatacaq”.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
