QAZAXISTANLA QIRĞIZISTAN ARASINDAKI SƏRHƏDLƏR QORUNACAQ

05.01.2004 [12:13]
Çap et
A⁺ A^-

Bu il yanvarın əvvəlindən Qazaxıstanla Qırğızıstan arasındakı sərhədlər qorunmağa başlanacaqdır. Hər iki ölkə sərhədlərin mühafizəsi işini əlaqələndirəcəkdir. Bu haqda razılıq Qırğızıstan Prezidenti Əsgər Akayevin Qazaxıstana səfəri zamanı əldə olunub.

Qazaxıstanla Qırğızıstan arasında dövlət sərhədi 1228 kilometrdir və indiyədək qorunmayıb. Son vaxtlar narkokuryerlər, qaçaqmalçılar və qeyri-qanuni miqrantlar bir ölkədən digərinə sərbəst keçirdilər və Qazaxıstanla Qırğızıstan məhz onların qarşısına sədd çəkməyi qərara almışlar.

İndi Qazaxıstan–Qırğızıstan sərhədində 12 nəzarət–buraxılış məntəqəsi fəaliyyət göstərir.

Hər iki ölkə bu işdə beynəlxalq təşkilatlardan yardım almağı nəzərdə tutur.