“QAZETA.RU”YA XƏBƏRDARLIQ EDİLMİŞDİR
Söhbət karikaturaların dərcinə qarşı müsəlmanların etirazlarına həsr olunmuş 2 fevral tarixli “Karikatura müharibəsi” adlı məqalədən gedir. Xidmətin başçısı Boris Boyarskovun fikrincə, bu, dini və sosial düşmənçiliyin qızışdırılmasına yönəldilmişdir, ictimai təhlükəsizlik üçün real qorxu yaratmışdır.
İnternet-qəzetin redaksiyası Federal Xidmətin bu rəyi ilə razılaşmamışdır. Nəşrin baş redaktoru Mixail Mixaylin bildirmişdir ki, məqalədən məqsəd müsəlman aləminin Danimarkaya qarşı etirazlarının səbəbini aydınlaşdırmaq olmuşdur. “Qazeta.Ru” Federal Xidmətə qarşı məhkəmə iddiası qaldırmaq niyyətindədir.
Xatırladaq ki, fevralın ortalarında Volqoqrad meriyası dini mövzuda şarj dərc etmiş “Qorodskiye vesti” qəzetini bağlamağı qərara almışdı. Çox keçmədən Məhəmməd Peyğəmbərə karikaturaları dərc etmiş Volqoqradın “Naş region+” qəzeti bağlanmışdır. Volqoqrad vilayətinin prokurorluğu qəzetin baş redaktoru Anna Smirnovanı millətlərarası ədavəti qızışdırmaqda təqsirləndirmişdir.
Bölmənin digər xəbərləri
