Qırğızıstanda koronavirusa yoluxanların sayı 45 minə çatıb
Bişkek, 9 sentyabr, АZƏRTAC
Son sutkada Qırğızıstanda COVID-19 virusuna 87 nəfər yoluxub və yoluxanların ümumi sayı 44 min 613-ə çatıb.
AZƏRTAC Qırğızıstan Səhiyyə Nazirliyinə istinadla xəbər verir ki, son gündə ölkədə 178 nəfər sağalıb, koronavirusdan sağalanların ümumi sayı 40 min 337-dir.
Son gün ərzində virusa 1 tibb işçisi yoluxub və hazırda bu göstərici 3 min 159 nəfərə çatıb.
Xəstəxanalarda 2 min 908 koronaviruslu pasiyentin müalicə olunduğu bildirilir.
Məlumatda qeyd edilir ki, pandemiya dövründə hamilə qadınlar arasında koronavirusdan 16 ölüm faktı qeydə alınıb.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
