QLOBAL BİZNES ETİKASI LAYİHƏSİ HƏYATA KEÇİRİLİR
AGN təşkilatından AZƏRTAC-a bildirmişlər ki, layihə çərçivəsində təşkil edilən treninqlərdə Bakının “Zəngi” liseyi, Elitar Gimnaziyası, 6 və 147 nömrəli məktəbləri, Sumqayıtın 15 və 23 nömrəli ümumtəhsil müəssisələri iştirak etmişlər.
Seçilən müəllimlər Azərbaycan Məktəblərində İqtisadiyyatın Tədrisi (AMİT) proqramına qoşulan təhsil ocaqlarında biznes etikası üzrə dərslər keçirlər.
Layihə dekabrın 25-dək davam edəcəkdir. Sonda məşqçi-müəllimlər komanda ilə birgə işləmək və liderlik bacarığı olan 5 şagird seçəcəklər. Seçilən şagirdlər beynəlxalq inşa müsabiqəsində iştirak edəcək, qaliblər Beynəlxalq Biznes Etikası treninqinə qatılacaqlar.
Bölmənin digər xəbərləri
