Qobustanda vətəndaşların vaksinasiyası davam edir
Qobustan, 22 fevral, AZƏRTAC
Qobustan rayonunda vətəndaşların təhlükəli COVID-19 virusuna qarşı vaksinasiyası mərhələli şəkildə davam edir.
Rayon icra hakimiyyətindən AZƏRTAC-ın bölgə müxbirinə bildirilib ki, əhalinin vaksinasiyası modul tipli şəhər xəstəxanasında xüsusi nəzarət altında, TƏBİB-in təlimatına uyğun olaraq aparılır. Bunun üçün bütün lazımi şəraitin yaradıldığı 4 peyvənd, 6 gözləmə, 2 qeydiyyat və 2 təcili yardım otaqları ayrılıb.
Rayon üzrə indiyədək 197 nəfər səhiyyə işçisi, ikinci mərhələdə 65 yaşdan yuxarı və hazırda 50 yaşdan yuxarı 438 nəfər, ümumilikdə isə 635 nəfər peyvənd olunub.
Bölmənin digər xəbərləri
