QRAN-PRİ FİNALI DİNARA GİMATOVANIN İŞTİRAKI OLMADAN KEÇMİŞDİR
Avstriyanın İnsbruk şəhərində bədii gimnastika üzrə Qran-pri yarışlarının finalı başa çatmışdır. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, gimnastımız Dinara Gimatova həkimlərin məsləhəti ilə bu yarışlarda iştirak etməmişdir.
Şəxsi çoxnövçülükdə turnirin qalibi builki dünya çempionatının gümüş mükafatçısı ukraynalı Anna Bessonova olmuşdur. Hakimlər mütləq birincilikdə dörd təmrinin yekunlarına görə ona 107.249 bal vermişlər. Gümüş medala rusiyalı Vera Sessina, bürünc medala isə Ukrayna gimnastika məktəbinin digər nümayəndəsi Natalya Qodunko layiq görülmüşlər.
Bölmənin digər xəbərləri
