Qubanın dağlıq ərazilərində qar örtüyünün hündürlüyü 10-15 santimetrə çatıb
Bakı, 29 mart, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti martın 28-i gündüzdən 29-u səhərədək ölkə ərazisində müşahidə olunan faktiki hava şəraitini açıqlayıb.
Nazirliyin mətbuat xidmətindən AZƏRTAC-a verilən məlumata görə, əvvəlcədən xəbər verildiyi kimi, martın 29-u səhərədək ölkə ərazisində hava şəraiti qeyri-sabit keçib, yağış yağıb, bəzi yerlərdə intensiv olub, dağlıq rayonlarda qar yağıb.
Düşən yağıntının miqdarı Bakıda və Abşeron yarımadasında 1-14, Böyük Qafqazda 3-21, Mərkəzi Aran rayonlarında 4-21, Lənkəran-Astara zonasında 1-9, Naxçıvan Muxtar Respublikasında 1-7, Kiçik Qafqazda 5-8, Qazax-Gəncə zonasında 7-16 millimetr təşkil edib.
Qar örtüyünün hündürlüyü Ağdərədə 6, Daşkəsən və Göygöldə 2, Gədəbəydə 1, Qubanın dağlıq ərazilərində 10-15 santimetrə çatıb.
Bölmənin digər xəbərləri
