RABİTƏ İŞÇİLƏRİ MÜSTƏQİL HƏMKARLAR İTTİFAQININ III (XXIII) KONFRANSI KEÇİRİLMİŞDİR
Konfransda RİMHİ-nin sədri Tofiq Musayevin bu qurumun II (XXII) konfransından sonrakı dövr ərzindəki fəaliyyətinə dair hesabatı dinlənilmişdir. Hesabatda beş il ərzində rabitə və informasiya texnologiyaları sahəsində əldə olunmuş nailiyyətlərdən danışılmış, hazırkı dövrdə həmkarlar ittifaqı təşkilatlarının fəaliyyətinin əsas istiqamətləri diqqətə çatdırılmışdır. Qeyd edilmişdir ki, rabitənin inkişafı ilə yanaşı, rabitəçilərin əmək haqlarının artım səviyyəsində də ciddi dəyişikliklər olmuş, nazirlik üzrə orta əmək haqqı 668.600 manat təşkil etmişdir.
Rabitə və informasiya texnologiyaları naziri Əli Abbasov, Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Mehbalıyev RİMHİ-nin fəaliyyətini yüksək qiymətləndirmişlər.
Çıxış edənlər işçilərin əmək, sosial-iqtisadi və istirahət hüquqlarının qorunmasında həmkarlar ittifaqlarının rolunun getdikcə artdığını vurğulamışlar.
Yığıncaqda RİMHİ-nin təftiş komissiyası seçilmiş, təşkilatın yeni nizamnaməsi təsdiq edilmişdir.
Bölmənin digər xəbərləri
