“Reuters”: İraqın bütün terminallarında xam neftin boşaldılması dayandırılıb
Bakı, 16 iyul, AZƏRTAC
Bəsrə terminalında pilotsuz uçuş aparatının (PUA) neft tankerinə çırpılmasından sonra cümə axşamı günü İraqın bütün terminallarında xam neftin boşaldılması dayandırılıb.
AZƏRTAC xəbər verir ki, bu barədə İraqın neft və təhlükəsizlik orqanlarına aid dörd mənbə “Reuters” agentliyinə məlumat verib.
PUA heç bir ziyana və ya yanğına səbəb olmayıb.
İraqın neft terminalları ölkənin cənubunda yerləşir. PUA-nı kimin buraxdığı hələ də məlum deyil.
Ehtiyat tədbiri olaraq, neft tankerini limanın xaricində lövbər salmış başqa bir tankerə qoşublar.
Dövlət xəbər agentliyi çərşənbə günü İraqın Fav limanında PUA-nın heç bir ziyana səbəb olmadan qəzaya uğradığını bildirib və əlavə məlumat verməyib. Liman əməliyyatlarına da təsir göstərilməyib. Adətən, ölkə gündə təxminən 3,6 milyon barel neft ixrac edir və İranla müharibədən əvvəl Bəsrədəki cənub terminallarından gündəlik təqribən 3,4 milyon barel neft keçirdi.
Bölmənin digər xəbərləri
