RF Dövlət Duması xarici vətəndaşların tibbi müayinəsi haqqında təşəbbüslər irəli sürəcək
Moskva, 6 fevral, AZƏRTAC
Rusiya Federasiyasının Dövlət Duması Rusiyaya gələn xarici vətəndaşlar üçün tibbi müayinənin tətbiqinə yönəlmiş qanunvericilik təşəbbüsləri hazırlayır.
AZƏRTAC xəbər verir ki, bu barədə RF Dövlət Dumasının sədri Vyaçeslav Volodin özünün “Telegram” kanalında məlumat verib.
Spiker miqrasiya siyasətinin təkmilləşdirilməsinin zəruriliyini qeyd edib. Onun sözlərinə görə, deputatlar hökumətdən əmək miqrasiyasının tənzimlənməsi və əmək miqrantlarının ailələrinin ölkəyə girişi ilə bağlı təkliflər gözləyirlər.
Parlamentin spikeri vurğulayıb ki, Daxili İşlər Nazirliyinin məlumatına görə, Rusiyada təxminən 670 min qeyri-qanuni miqrant yaşayır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
