MƏDƏNİYYƏT
Riad Məmmədov Rusiyada konsert verib
Moskva, 7 mart, AZƏRTAC
Azərbaycanlı pianoçu və bəstəkar Riad Məmmədov Rusiyada iki konsert proqramı ilə çıxış edib.
AZƏRTAC xəbər verir ki, martın 5-də D.Şostakoviç adına Sankt-Peterburq Akademik Filarmoniyasının səhnəsində təşkil olunan konsertdə Riad Məmmədov (fortepiano), Mixail Fotçenkov (baraban) və Sergey Korçaginin (kontrabas) ifasında muğam kompozisiyaları səslənib. Bu kompozisiyalar bəstəkar və pianoçunun müəllif transkripsiyasında təqdim olunub.
Fevralın 15-də isə Riad Məmmədov “Zaryadye” konsert zalında “Yarımçıq qalmış xəyallar” adlı yeni konsert proqramı ilə çıxış etmişdi. Bax və Şopenin əsərlərinin transkripsiyası, caz standartları, muğam, Debüssi və Vaqif Mustafazadənin musiqisi, habelə bəstəkarın öz pyesləri musiqinin ecazkar gücünə, onun incəlikləri və paralellərinə nəzər salmağa imkan verib.
Riad Məmmədov P.Çaykovski adına Moskva Dövlət Konservatoriyasını “fortepiano” ixtisası və aspiranturanı “musiqişünas” ixtisası üzrə bitirib. O, beynəlxalq müsabiqələrin və festivalların laureatı və iştirakçısıdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
