Rumıniyalı tələbə: Dünya ictimaiyyəti Azərbaycan həqiqətlərinə lazımı diqqəti göstərmir
London, 24 fevral (AZƏRTAC). Dünya ictimaiyyəti Azərbaycan həqiqətlərinə lazımı diqqəti göstərmir.
Bu sözləri Xocalı soyqırımının 21-ci ildönümü ilə əlaqədar Londonda yürüş-mitinqdə iştirak edən “London School of Economics”in tələbəsi rumuniyalı Teodora Pantu jurnalistlərə müsahibəsində demişdir.
O, bildirmişdir ki, Xocalı soyqırımı dünyadakı ən böyük ədalətsizliklərdəndir. Britaniya parlamenti daxil olmaqla dünya ictimaiyyəti bu həqiqətləri bilməli və bu cür ədalətsizliklərin qarşısının alınması üçün lazımı tədbirlər görməlidir.
T.Pantu vurğulamışdır: “Azərbaycan həqiqətləri də beynəlxalq ictimaiyyət tərəfindən daha çox tanınmalı və bilinməlidir. Azərbaycan gənclərinin səslərini dünya ictimaiyyətinə çatdırmaq üçün keçirdikləri aksiya və tədbirlər təqdirəlayiqdir”.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
