RUSİYA BİATLONÇUSUNU OLİMPİYA OYUNLARINDAN KƏNARLAŞDIRMIŞLAR
AZƏRTAC Rusiya KİV-lərinə istinadla xəbər verir ki, Rusiya biatlonçusu Olqa Pılyova Turində keçirilən qış Olimpiya oyunlarında iştirak etməyəcəkdir. Bunu biatlon üzrə Rusiya yığmasının baş məşqçisi Valeri Polxovski bildirmişdir. Lakin o, bunun Pılyovanın dopinq qəbul etməkdə ifşa olunması ilə bağlılığını təsdiqləməkdən boyun qaçırmışdır. Polxovski demişdir: ”Ətraflı informasiya sonra veriləcəkdir”.
Olqa Pılyova fevralın 16-da 7,5 kilometr məsafəyə sprinter qaçışı yarışında iştirakdan kənarlaşdırılmışdır. Yarış qaydalarına görə, o, əvəz olunmayacaqdır. Ona görə də sprint qaçışında Rusiyanın üç idmançısı – Svetlana İşmuratova, Albina Axatova və Olqa Zaytseva iştirak etmişlər.
Bölmənin digər xəbərləri
